Бүгін Орталық сайлау комиссиясында Мәжіліске өткендерге депутаттық мандат үлестірді
«Бұрынғы сайлау ұрлық болса, осы жолғы сайлау тонау болды». Бұл туралы ақ жолдық экс-депутат Берік Дүйсенбинов айтты, деп хабарлайды Qaz365.kz.
Бүгін Орталық сайлау комиссиясында Мәжіліске өткендерге депутаттық мандат үлестірді. Жаңадан сайланған депутатармен қатар өтпей қалған жақтастары да төбе көрсетті.
«Сайлау әділ өткен жоқ. Бұрынғы сайлау ұрлық болса, осы жолғы сайлау тонау болды», - деді ол.
Сондай-ақ не себепті тізімге енбей қалғанын партия ішіндегі мәміле шешім деп түсіндірді.
«Ақ жол» партиясының атынан 6 орын алдық. Аймақтарда 10 жылдан бері жұмыс істеп келе жатқан азаматтар бар. Соларға орнымызды бердік, онда тұрған ешнәрсе жоқ. Ары қарай да партия жұмысын жандандырамыз», - деді ол.