Ереже бұзғандарға 5 АЕК көлемінде айыппұл салынады
Қазақстанда 1 желтоқсаннан бастап жазғы дөңгелекпен көлік жүргізуге тыйым салынады. Ереже бұзған жүргізушілерге 5 айлық есептік көрсеткіш (19 660 теңге) көлемінде айыппұл қарастырылған, деп хабарлайды Qaz365.kz.
Қайталанған жағдайда айыппұл мөлшері 20 АЕК-ке (78 640 теңгеге) дейін өседі. 2026 жылдан бастап айыппұл көлемі де ұлғаяды, себебі АЕК мөлшері 4 325 теңгеге дейін көтеріледі. Бұл жағдайда алғашқы бұзушылық үшін айыппұл 21 625 теңге болады.
Кеден одағының «Дөңгелекті көлік құралдарының қауіпсіздігі туралы» техникалық регламентіне сәйкес, 1 желтоқсаннан 28 ақпанға дейін жазғы дөңгелектерді қолдануға тыйым салынған.
Бұл талап Қазақстан Республикасының Жол жүрісі қағидаларында да көрсетілген және оны бұзу әкімшілік жауапкершілікке әкеледі.
Мамандар дөңгелекті күнтізбедегі мерзімді күтпей, орташа тәуліктік температура +5°C төмен түскен кезде ауыстыруды ұсынады.
Қысқы шиналардың түрлері:
Мамандар қысқы шиналарды төрт доңғалаққа бірдей орнату қажет екенін ескертеді. Сондай-ақ әртүрлі өлшемдегі және суреті әртүрлі протекторы бар дөңгелектерді бір оське орнатуға қатаң тыйым салынады.
Қысқы шинаның протектор тереңдігі кемінде 4 мм болуы тиіс. Сондай-ақ дөңгелек бетінде M+S немесе үш шыңды тау мен қар ұшқыны бейнеленген белгі болуы қажет. Бұл – шинаның қысқы пайдалануға жарамды екенінің белгісі.
Дөңгелектерді орнатқаннан кейін тепе-теңдік, бұрыш пен қысымды тексеру ұсынылады. Қысқы шиналардың орташа қызмет ету мерзімі 5–6 жылды құрайды.