Бұл туралы депутат Ерлан Саиров айтты
Ауылда тамақты қарызға алатын адамдардың саны өсуде, деп хабарлайды qaz365.kz. Бұл туралы депутат Ерлан Саиров Мәжілістегі комитет отырысында айтты.
“Ауылда тұратын 3,5 миллион экономикалық белсенді азаматтардың 1 миллион 200 мыңы бүгінгі таңда өзін-өзі жұмыспен қамтушы болып есептеледі. Шынын айту керек, бұл азаматтардың күнделікті табыс көзі жоқ. Бұның сыртында ауыл халқының қазақ халқының күнкөрісінен бір жарым есе төмен. Ауылда нанды, күнделікті азық-түлікті қарызға алатындардың саны күннен-күнге көбейіп келеді”, – деді ол.
Сондай-ақ, ауыл тұрғындарын жұмыспен қамту мәселесіне де тоқталды.
“Бүгінгі таңның басты мәселесі – ауыл халқын сапалы, абыройлы нақты жұмыспен қамтамасыз ету”, – деді депутат.
Еске сала кетейік, бүгін Мәжіліс комитеттері Премьер-Министрдің орынбасарларын тағайындады.