Әлеуметтік желіде теміржол вокзалынан видео тарады
Мұнайшылар белсендісі Есенжан Әбдірахимов 12 сәуірде таңертеңгі сағат 8-де Азаттыққа жаңаөзендіктер таңертеңгі пойызбен Маңғыстауға кететінін айтты, деп хабарлайды Qaz365.kz тілшісі Азаттықтың Telegram арнасына сілтеме жасап.
“Келіссөз жалғасады, 10 адам қалды. Бар айта алатыным осы” деді.
“Сіздерге қысым жасалған жоқ па?” деген сұраққа “жоқ, жасалған жоқ” деді. “Ұстау кезінде соққыға жығылған адамдар болды ма?” деген сұраққа Әбдірахимов “оны білмеймін” деді. “Келіссөз қашан жалғасады?” деп сұрап едік, “бүгін жалғаспайтын шығар” деп қысқа қайырды.
Жаңаөзендіктерді Маңғыстауға жіберу үшін Астана – Маңғыстау бағыты бойынша жүретін таңертеңгі пойызға үш вагон қосылған екен.
Жаңаөзендіктер мінген пойыз жергілікті уақыт бойынша сағат 9-да Астанадан Маңғыстауға жол тартты. Кесте бойынша, пойыз 2 күн 1 сағат жүреді.