Тағы үшеуі - травматология бөлімінде
Жаңаөзен қалалық ауруханасына газдан зардап шеккен 13 жәбірленуші түсті, деп хабарлайды Qaz365.kz тілшісі mangystaumedia.kz-ке сілтеме жасап.
Жарылыс салдарынан 1994 жылы туған бір адам қайтыс болды. Ауыр жағдайдағы екі адам жансақтау бөлімінде жатыр. Зардап шеккендердің бірінде денесін 80 , екіншісін 50 пайызын күйік шалған. Тағы үшеуі - травматология бөлімінде.
Зардап шеккендердің арасында балалар да бар, олар амбулаториялық ем қабылдауға жіберілді. Қалғандарының жағдайы тұрақты.
Қазір оқиға орнында Маңғыстау облысының әкімі Нұрлан Ноғаев жүр.