Бұған дейін ол жәбірленуші Айгүл Мекешевамен "Galanz Bottlers" және "Maxi Bottlers" компаниялары акцияларының үлесін беру туралы медиативтік келісім жасасқан болатын
Қайрат Сатыбалдының бұрынғы әйелі Гүлмира Сатыбалды сотта өз кінәсін ішінара мойындады, деп хабарлайды Qaz365.kz.
"Мен кінәні ішінара мойындаймын, бірақ 125-бап бойынша (125-бап 2-тармақтың 1, 8-бөлігі.) кінәмді мойындамаймын. Адам ұрлағанымды мойындамаймын. Ұрлап әкетсем (Айгүл Мекешев - ред.) қалай оны үйіме әкелдім айта аламын. Бұл қисынсыз ғой. Ол жерде өзінше билік ету бар (ҚР ҚК 389-бабы 3-бөлігі-Ред.). Өзінше билік ету бойынша 5% мойындаймын. Мен оған 5% беруге уәде еттім (акциялар - ред.) және уәделерімді орындамадым", - деді Гүлмира Сатыбалды.
Бұған дейін ол жәбірленуші Айгүл Мекешевамен "Galanz Bottlers" және "Maxi Bottlers" компаниялары акцияларының үлесін беру туралы медиативтік келісім жасасқан болатын.
Бірақ бизнесмен Тұрсын Алагөзов ұсынған айыптар бойынша Назарбаевтың бұрынғы келіні кінәсін мойындамайды, бірақ залалды өтеуге дайын екенін айтады.
"Бұл менің кінәні мойындағанымды білдірмейді, мен Алагөзовтың кінәсін мойындамаймын, онда өзінше билік ету, рейдерлік, зорлық-зомбылық, физикалық та, моральдық та болған жоқ. Мен жай ғана үйге барғым келді. Мен әлі де үйде болғым келеді", - деді Сатыбалды.
Оның айтуынша, ол GALANZ bottlers акцияларын мәжбүрлеу емес, иелерінің еркі бойынша сатып алған.
Айта кетейік, кәсіпкер Алагөзов Гүлмира Сатыбалдыға қатысты басты сот талқылауы барысында өзінің Galanz Bottlers компаниясының 43%-дан астам акциясынан айырылғанын, өйткені оларды беруге мәжбүр болғанын мәлімдеді