Бірақ ол уәдесін орындамаған
Шымкентте ер адам мектепке мұғалім болып жұмысқа орналасуға көмектесемін деген алаяққа миллион теңгеге жуық ақша берген, деп хабарлайды Qaz365.kz тілшісі Рolisia.kz сайтына сілтеме жасап.
Жәбірленушінің айтуынша, танысы оған оқу орнына ақылы түрде жұмысқа орналасуға көмектесемін деп уәде берген, бірақ ол уәдесін орындамаған.
"Күдікті Шымкент қаласының жұмыссыз тұрғыны болып шықты. Ер адам алған ақшасын өз қажеттіліктеріне жұмсағаны белгілі болды. Сондай-ақ, алаяқтың тағы бір алаяқтық дерегіне қатысы бар екені анықталды", - деді полицейлер.
Күдіктіге қатысты Қылмыстық кодекстің 190-бабы "Алаяқтық" бойынша соталды тергеу басталды.