Оның айтуынша, саяси ұйымды ресми тіркей алмаған
Белгілі қазақстандық кәсіпкер әрі қоғам қайраткері Болат Әбілов Арманжан Байтасовқа берген сұхбатында Bizdin tandau саяси партиясының жабу туралы шешім қабылдағанын айтты, деп хабарлайды Qaz365.kz.
Әбіловтың айтуынша, оның саяси ұйымы өз бағдарламасында Қазақстандағы бірде-бір саяси бірлестік жарияламаған бірнеше негізгі тармақтарға ие болған.
“Біріншіден, бұл Қазақстан үшін тиімсіз болып табылатын ЕАЭО-дан шығудың жолы. Екіншіден, ҰҚШҰ-дан шығу, өйткені Ресейдің Украинадағы соғысы агрессор елден бойымызды аулақ салуды, ортақ ештеңе болмау қажеттігін дәлелдейді. Біз түркі әскери одағын құруды ұсындық. Үшіншіден, біз Қазақстанның саяси жүйесін президенттік жүйеден парламенттік республикаға ауыстыруды ұсындық. Үкімет бұл жағдайда бүкіл әлемдегідей сайлауда жеңіске жеткен әрі сайлаушыларға есеп беретін партияны қалыптастыруы керек. Сонымен қатар, біз «Самұрық-Қазына» қорын 90%-ға қысқартуды ұсындық, оған тек магистральдық мұнай-газ құбырлары мен темір жолды ғана қалдыру қажет. Қалғанының бәрін жеке секторға беру керек. Меніңше, Қазақстанның ЖІӨ-нің 70%-ы тиімсіз әрі сыбайлас жемқорлық жайлаған мемлекеттік секторға тиесілі. Ақыры, біз ұлттық әл-ауқат қорын қайта қарауды және реформалауды ұсындық”, - деді Болат Әбілов.
Алайда кәсіпкердің айтуынша, осы идеяларды жүзеге асыру үшін ол және оның серіктестері өздерінің саяси ұйымын Әділет министрлігінде ресми түрде тіркей алмаған.
“Біз соттастық, бірақ пайда болмады. Бәлкім, бұл менде және жақтастарыма қатысты шығар. Шамасы, біз мемлекеттік органдардың «талабына» сәйкес келмейміз. Сөйте тұра біз басқа саяси партиялардың өтінімі мақұлданғанын, оларды Парламентке жібергенін көреміз, бірақ олардың қызметі жайлы көрмейміз де, естімейміз де. Сондықтан мен бұл саяси жобаны тоқтатамын деп шештім. Егер саяси партия тіркелмесе, онымен айналысуға болмайды. Енді біз Elge qaitaru қорына ден қоюды қолай көрдік. Бұл нақты нәтиже мен пайда әкелетін үлкен қоғамдық жоба”, – деді ол.
Айта кетейік, 2022 жылдың 16 мамырында Болат Әбілов Алматыда өткен баспасөз мәслихатында Bizdin tandau саяси партиясын құратынын хабарлады. Elge qaitaru қоры заңсыз жекешелендірілген активтер мен Қазақстаннан заңсыз шығарылған қаржыны қайтару үшін ақпарат жинаумен айналысады.