Сәби сағат 21:52-де дүниеге келді
№29/30 бағытындағы «Атырау – Алматы» жолаушылар пойызының бригада қызметкерлері жолаушыға босану кезінде көмек көрсетті, деп хабарлайды Qaz365.kz тілшісі Zakon.kz-ке сілтеме жасап.
Атыраудан Шымкентке бағыт алған жас ананы жолда толғақ қысқан. Жолсеріктер Жанар Тасмағамбетова, Айғаным Сұлтанмұратова және Ғалия Қайырденова пойыз вагонында жүкті әйелдің аман-есен босануына барлық жағдайды жасады.
«Нұсқаулыққа сәйкес, жолсеріктер күтпеген жағдай орын алғанда, пойыз машинисіне хабар беріп, жақын маңдағы станцияға “жедел жәрдем” көлігін шақырды», – делінген «Қазақстан темір жолы» ҰК» АҚ баспасөз қызметінің мәліметінде.
Пойыз Қазалы станциясына келіп тоқтағанда, сәбиді анасымен бірге “жедел жәрдем” қызметкерлері қарсы алды.