Cенат заң жобасына ешқандай түзету енгізбеген
Бүгін Сенаттың жалпы отырысында палата депутаттары «Заңсыз иемделген активтерді мемлекетке қайтару туралы» Заңды мақұлдады, деп хабарлайды Qaz365.kz.
Заң жобасының негізгі мақсаты – заңсыз иемденген және шығарылған активтерді мемлекетке қайтару, активтерді ерікті түрде қайтаруға ынталандыру, активтерді заңсыз иемденуге ықпал еткен себептер мен жағдайларды жою арқылы қоғамдағы әлеуметтік әділеттілікті қалпына келтіру, Қазақстан халқының әл-ауқатын арттыру.
Заң жобасын таныстырған сенат депутаты, жұмыс тобының жетекшісі Андрей Лукин заң жобасына еш өзгеріс енгізілмегенін айтты.
"Заңды сенат депутаттары ешқандай толықтыру және өзгеріссіз қабылдады", – деді депутат.
Бұған дейін бас прокуратура Қазақстанға 760 млрд теңге актив қайтарылғанын хабарлаған. Қай елден және кімнің активі қайтарылғаны туралы ақпарат ашық жарияланбаған.