Қалған сотталушылар жеті жылға бас бостандығынан айырылды
Қызылорда соты Гүлмира Сатыбалдыны 8 жылға бас бостандығынан айырды, деп хабарлайды Qaz365.kz тілшісі соттың баспасөз қызметіне сілтеме жасап.
Сатыбалдының ісі бойынша сотталушылар орындығында 7 адам болды. Олар 198-баптың 4-бөлімі 2-тармағы бойынша алдын ала сөз байласу арқылы аса ірі мөлшерде сеніп тапсырылған мүлікті ұрлағаны үшін айыпталды.
2018-2020 жылдар аралығында Сатыбалды Қызылорда қаласындағы Сырдария өзенінің сол жағалауын жылыту жобасы бойынша жұмыстарды орындамаған, сеніп тапсырылған мүлікті аса ірі мөлшерде жымқырған. Сотталушылар Д. және Б. қызметтік жағдайын пайдаланып, аяқталмаған жұмыстарды қабылдау-тапсыру актісіне қол қойды.
Сотталушылардың іс-әрекеттері 441 миллион теңге көлемінде залал келтіргені атап өтілді.
Сотталушы С. Қылмыстық кодекстің 189-бабы 4-бөлігі 2-тармағында көзделген қылмысты жасағаны үшін кінәлі деп танылды. Ол 8 жылға бас бостандығынан айырылды.
Қалған сотталушылар жеті жылға бас бостандығынан айырылды.
441 миллион теңге мемлекетке қайтарылды.
Сот үкімі заңды күшіне енген жоқ.