Өртті 270 адам сөндіірп жатыр
Меркі ауданының Ақтоған ауылынан 20 км жерде «Меркі орман және жануарлар дүниесін қорғау мекемесі» КММ аумағында таулы аймақта орын алған құрғақ шөп өрті әлі де сөндірілуде. Орман шаруашылығының ақпараты бойынша өрттің алдын ала аумағы 300 гектарды құрайды, деп хабарлайды Qaz365.kz.
“Күрделі рельеф, жетуі қиын жер мен қатты жел өрт сөндіру жұмыстарын қиындатуда. Елді мекендерге қауіп және зардап шеккендер жоқ. ТЖМ тікұшағымен аэровизуалды тексеру жүргізілуде”, – делінген Жамбыл облысы ТЖД баспасөз қызметінің хабарламасында.
Сөндіру жұмыстары басталғалы Казавиаорманкүзетінің авиациясы өрт ошақтарына әуеден 13 рет шамамен 19,5 тонна су төкті.
Өртті сөндіруге Қазорманавиакүзетінің, жергілікті атқарушы органдардың және Жамбыл облысы ТЖД күштері мен құралдарынан 270 адам, 36 бірлік техника, авиация жұмылдырылды.