Бұл туралы ақпарат және мәдениет министрі Данияр Қадыров айтты
Қазақстандықтар қандай мәселелер бойынша петиция жаза алмайды? Бұл сұраққа Сенат кулуарында Мәдениет және ақпарат вице-министрі Данияр Қадыров айтты, деп хабарлайды Qaz365.kz.
«Конституциялық құрылым, әкімішілік-аумақтық құрылым бар, шекарамыз, тіл мәселесі, құқықтық-конституциялық сайлау, референдум туралы, сот жүйесі, прокуратура, арнайы қызметтердердің қызметіне, мемлекеттік құпиясы бар сұрақтарға, президент пен парламент палаталары, үкімет құқығына кіретін лауазымдарды тағайындау және орындарынан алу мәселесі қарастырылмайды (петиция арқылы). Өйткені олар констициялық заңмен, референдуммен, сайлаумен қарастырылады», - деді ол.
Вице-министрдің айтуынша, егер адамның жеке деректерін шығармауға және құқығына, бостандығына қауіп келтірілсе, ол да петиция қарастырылмайды. Неліктен тіл мәселесіне байланысты адамдар петиция жаза алмайтынын сұраған тілшіге шенеунік былай дейді:
«Тіл мәселесі Конституицияда белгіленген. Конституциядан біздің заң төмен», - дейді ол.