Ол 71 жасқа қараған шағында дүниеден өтті
Тұңғыш Президенттің баспасөз қызметі Болат Назарбаевтың қайтыс болғанын растады, деп хабарлайды Qaz365.kz.
Ақпаратты экс-Президенттің баспасөз хатшысы Айдос Үкібай растады.
«71-ге қараған шағында созылмалы аурудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды», – деп жазды Айдос Үкібай.
Тұңғыш президенттің інісінің қайтыс болғаны туралы ақпаратты Алматының Орталық клиникалық ауруханасы да растады.
«2023 жылғы 13 қарашада сағат 09.51-де Болат Назарбаев ұзаққа созылған науқастан кейін қайтыс болды», - делінген хабарламада.