Сот оның өтінішін қанағаттандырмады
Шығыс Қазақстан облыстық соты Қайрат Сатыбалдының шартты түрде мерзімінен бұрын босату туралы өтінішін қарап, қанағаттандырудан бас тартты, деп хабарлайды Qaz365.kz.
Сот сотталушының тәртіп бұзушылығы мен тұрақсыз мінез-құлқы бар екенін, сондықтан бұл өтінішті қабылдау тым ерте екенін жеткізді.
«Сотталған Қайрат Сатыбалдының бас бостандығынан айыру жазасын бас бостандығын шектеумен ауыстыру туралы өтінішін қанағаттандырудан бас тартамыз», – делінген сот хабарламасында.
Былтыр сот үкімімен Қайрат Сатыбалды 6 жылға бас бостандығынан айырылған еді.
Еске салайық, бұған дейін бас прокурордың орынбасары Әсет Шындалиев Қайрат Сатыбалды мерзімінен бұрын босап шығуға өтініш бергенін айтқан еді.