Қалада тұрғындарды эвакуациялауға арналған 20 шақты пункт әзірленіп қойылған
Бүгінгі таңда Қостанайдағы су тасқынының басты проблемасы Тобыл өзені болып табылады. Қаратомар су қоймасының шамадан тыс толып кетуіне байланысты, қалада төтенше жағдай жарияланды, деп хабарлайды Qaz365.kz.
Жергілікті билік органдарының пікірінше, төтенше жағдай режимі су әкелуі мүмкін халыққа келтірілген зиянды өтеу үшін жарияланды. Жағалауға жақын жеке үйлер, саяжай қоғамдары мен бизнес нысандары су басу қаупінде қалып отыр.
Қала әкімі Марат Жүндібаев өзендегі су деңгейі артып келе жатқанын атап өтті. Қаратомар су қоймасындағы судың ағуы секундына 2600 текше метрді құрайды, артық суды ағызу секундына 10 текше метрден басталып, 1,5 мың текше метрге дейін жеткізілді. Қала басшысы су тасқыны аймағында тұратын барлық тұрғындардан қауіпсіз жерге көшуін сұрады.
«Аталған аумақтардың тұрғындары құзіретті органдар бірінші талап еткен сәттен бастап, ұйымдасқан түрде эвакуацияға кірісуі керек. Бұл шарада егде кісілерге, жүріс-тұрысы қиын азаматтар мен балаларға ерекше көңіл бөлу сұралады. Алдын ала құжаттарыңыз бен алғашқы қажеттілігі бар заттарыңызды даярлап қойыңыздар. Сіздерге автобустар жіберіліп, олар эвакопункттерге қатынайды. Уақытша қоныстарда ас-ауқат және жатын орын әзірленген», — делінген қалалық штаб хабарламасында.
Қостанай қаласы аумағында тұрғындарды эвакуациялауға арналған 20 шақты пункт әзірленіп қойылған.