Бұл туралы Орал әуежайы баспасөз қызметі хабарлады
Орал әуежайы отандық компаниялар бақылауында. Бұл туралы Орал әуежайы баспасөз қызметі мәлімдеді, деп хабарлайды Qaz365.kz.
Орал әуежайы баспасөз қызметінің мәліметінше, әуежайда жаңа бейінді инвестор пайда болған.
«Қазақстандық инвесторларды бақылауды сақтай отырып, әуежайды кәсіби басқаруға маманданған «Орал Менеджмент» ЖШС қазақстандық компаниясынан, ҚР азаматы Д.Килыбаевтан және қатысу үлесі 49%-дан аспайтын «Ретранс» АҚ ресейлік компаниясынан тұратын консорциум сатып алды», - дейді баспасөз қызметі.
Былтыр СПК «Aqjaiyq» пен Орал халықаралық әуежайы арасында консорциумдық келісім жасалып, СПК «Aqjaiyq» Қарашығанақ Петролеум Оперейтинг б.в. компаниясының өңірдің әлеуметтік дамуына бөлген төлемінен 6,6 млрд. теңге қаражатты инвестиция ретінде салды. Яғни халықтың қазынасы есебінен әуежай қайтадан жаңадан салынды. Екіншіден, қаладағы жалғыз әуежай болғандықтан, мемлекеттік стратегиялық нысан. Сондықтан жеке меншікке өтуі мүмкін емес.
Нұрлыбек Нұрланұлы, Орал қаласы