Журналист вице-премьерден қызметтегі амбициясы туралы сұрады.
БАҚ өкілдерінен премьер-министрдің орынбасары Серік Жұманғаринға «премьер-министр боламын деген амбицияңыз бар ма?» деген сауал қойылды, деп хабарлайды Qaz365.kz.
Үкімет отырысынан кейін вице-премьер Серік Жұманғарин қызметтегі амбициясы туралы сауалға жауап берді.
«Мен сіздің сериалы сұрақтарыңызды үзгім келіп тұр. Бұл сауалға жауап бермеймін. Мұныңыз жеке бастың шаруасына қатысты қойылған сұрақ», – дейді премьер-министрдің орынбасары Серік Жұманғарин.
Ал аяқастынан отставкаға кеткен жағдайда қандай іспен шұғылдануын сұрағанда:
«Айналысатын істі тауып аламын. Оны өзім білемін. Бұл – менің жеке өмірім. Немен шұғылданамын, қалай айналысамын, оның сіздерге қатысы жоқ. Болашағымды қалай, кіммен, қайда елестетенімнің сіздерге еш қатысы жоқ», - деді вице-премьер.