Жетім балаларға арнайы жаңа бағдарлама дайындап ұсынуларыңызды сұраймын
Бүгінгі Парламент отырысында депутат Генадий Шиповских Үкімет басшысына арнайы депутаттық сауал жолдады, деп хабарлайды Qaz365.kz.
“Өткен жылы 62 мың 209 жетім баланың 809-ы ғана баспаналы болған. Орта мектепті бітірген жетім балалардың жұмысқа орналасу көрсеткіші көңіл көншітпейді. Ағымдағы жылы Мәнсап орталығының мәліметінесәйкес жұмысқа орналасқан 4275 адамның 85-і ғана жетімдер. Бұл көрсеткіштер неге төмен деңгейде жүріп жатыр? Жетім балаларды тұрғын үймен қамтамасыз ету, оқу орнын бітіргеннен кейін жұмыспен орналасуға көмектесетін жаңа бағдарлама дайындап ұсынуларыңызды сұраймын” – деді депутат.
Депутат Генадий Шиповских жолдаған сауалына заңдық тәртіпте көрсетілген уақытта жазбаша жауап беруді сұрады.