Жемқорлықпен күресу жалғыз менің емес – барлық ел басшыларының міндеті
Бүгін Орталық коммуникациялар алаңында өткен баспасөз мәжілісінде Шымкент қаласының әкімі Ғабит Сыздықбеков жемқорлықпен күрестегі позициясын айтты, деп хабарлайды Qaz365.kz .
«Жемқорлықпен күресу жалғыз менің емес – барлық ел басшыларының міндеті. Әкімдікке келе сала өз позициямды ашық айттым. Әкімдіктегілерге, бизнес өкілдеріне бұдан былай ондай жағдай болмайтынын айттым. Соның өзінде өкінішке қарай, жанымызда жүріп, әр түрлі әрекеттерге барғандар кездесті. Заңсыздыққа жол бергендер өз жазасын алды. Қазіргі таңда толықтай жемқорлық азайды деп айта алмаймын. Естіп отырамын. Заңсыз әрекеттер болса, маған да айтып отырады. Онымен күресетін арнайы орган бар. Өздерінің жұмыстарын атқарып жатыр. Біз өз позициямыздан таймаймыз. Таза, адал жолмен еңбек етеміз», – дейді Ғабит Сыздықбеков.
Былтыр, ол әкім болып тағайындалғанда: «Шымкенттен болған соң, бәрі жемқорлықты айтады – оның бәрі маған әсер етеді. Осы мәселені реттейміз» деген болатын.