Ол ел экономикасында жылдар бойы мәселе көбейіп кеткенін
Мәжілістің сәрсенбідегі жалпы отырысында депутат Елнұр Бейсенбаев Қазақстан терең бюджет дағдарысын бастан кешіріп жатқанын, ал экономикада жылдар бойы мәселе көбейіп кеткенін мәлімдеді, деп хабарлайды Qaz365.kz.
"Мемлекет қарызы көбейіп барады. Шығындарымыздың үштен бірі сұрап алған қаражат есебінен жабылып отыр. Мемлекет пен үкіметтің үш жылдық берешегін өтеудің өзіне 6 трлн теңге керек, яғни сыртқы қарыз елдің төрт бюджетіне теңесті", - деп мәлімдеді Бейсенбаев.
Оның айтуынша, кейінгі 10 жылда сыртқы қарыз 16,5 млрд долларға өсті, ал Ұлттық қор активі 17,5 млрд долларға азайды. Осының бәрі экономикада мәселе көбейгенін көрсетіп отыр.
"Осыдан шығатын қорытынды – ел терең бюджет дағдарысына тап болды. Ол Ұлттық қор қаражатына тәуелді", - деді Бейсенбаев.