Бұған дейін Шерзат Болаттың әкесіне қатысты қылмыстық іс қозғалған еді
Алматы облысының әкімі Марат Сұлтанғазиев 16 жастағы жасөспірім Шерзат Болат пен оның ағасының өлімін полиция тергеп жатқанын айтып, халықты сабырға шақырды, деп хабарлайды Qaz365.kz.
Біз ол отбасыға өз көңілімізді айтамыз. Жалпы бұл мәселе біздің назарымызда. Құқық қорғау органдары өз жұмысын атқарып жатыр. Қазіргі таңда іс ішкі істер министрі мен бас прокурордың жеке бақылауында. Сол себептен біздің аудиторияға айтқым келгені сабыр сақтап, құқық қорғау органдарының берген мәліметтеріне көңіл бөліп, сену. Қазір олар ашық жұмыс істеп жатыр. Әр жұмысы бойынша БАҚ-та ақпарат жариялап жатыр, - деді Марат Сұлтанғазиев.
Бұған дейін Шерзат Болаттың әкесіне қатысты қылмыстық іс қозғалған еді. Сондай-ақ, Талғар қаласы маңында Шерхат Болаттың 30 жастағы ағасының мәйіті табылған болатын.
Шерзаттың отбасы мен адвокаттары төбелес кезінде оқиға орнында болған екі әйелді де күдікті ретінде тануды талап еткен. Алайда тергеудегі олардың статусы куәгер болып қалғаны айқындалды.