2025 жылдың 1 қаңтарынан бастап шетел азаматтарына ЖСН беру уақытша тоқтатылды
Қазақстанның Ресейдегі елшілігі шетелдіктерге ЖСН беруді уақытша тоқтатты, деп хабарлайды Qaz365.kz.
Бұған дейін болған пилоттық жоба бүгін бітеді. Бір жылда 435 мыңдай шетел азаматы Қазақстанның ЖСН-ін алған.
Қазақстан Республикасының шетелдік мекемелері арқылы шетел азаматтарына жеке сәйкестендіру нөмірін қалыптастыру" пилоттық жобасының қолданылу мерзімінің аяқталуына байланысты 2025 жылдың 1 қаңтарынан бастап шетел азаматтарына ЖСН беру уақытша тоқтатылды, – делінген хабарламада.
ЖСН туралы қосымша ақпарат елшілік сайтында жарияланады.
Жалпы 2024 жылы шетелдік 435 408 азаматқа Қазақстанның жеке сандық нөмірі берілген. Оның ішінде 233 013-і Ресей, 121 719-ы Өзбекстан, 13 846-ы Тәжікстан, 9308-і Қырғызстан азаматтарына тапсырылған.