Енді олар Асадтың алавиттік азшылық кланының мүшелері тарапынан жасалған ең қатыгез шабуылдарға тап болып жатыр.
Соңғы екі күнде Сирияның жаңа үкіметінің қауіпсіздік күштері 340-тан астам бейбіт тұрғынды өлтірді. Бұл туралы Сириядағы адам құқықтарын бақылау орталығына (SOHR) сілтеме жасаған AFP және Reuters агенттігі жазды, деп хабарлайды Qaz365.kz
Басылым қауіпсіздікті қалпына келтіру Сирияның жаңа билігі үшін ең қиын міндеттің бірі болып тұрғанын көрсеткен. Исламшыл күштер желтоқсандағы шабуылда Башар Асадты тақтан тайдырғаннан кейін билікке келген болатын.
Енді олар Асадтың алавиттік азшылық кланының мүшелері тарапынан жасалған ең қатыгез шабуылдарға тап болып жатыр. Сондықтан этникалық топқа қарсы Жерорта теңізінде операция бастады.
Сириялық құқық қорғаушылар сенбі күні «Сирия жағалауы мен Латакия тауларында қауіпсіздік күштері мен одақтас топтардың қолынан 340 бейбіт алавит өлтірілді» деп хабарлады.
Бұқаралық ақпарат құралдарының хабарлауынша, олар қауіпсіздік күштері немесе үкіметті қолдайтын жауынгерлер тарапынан «үйлер мен мүлікті тонаумен қатар жүретін жазалау шаралары кезінде» өлтірілген.
Қаза тапқандар саны 553-ке жетті, оның ішінде жаңа үкіметтің қауіпсіздік күштерінің 93 қызметкері және Асадты қолдаған 120 жауынгер бар.
Сирияның уақытша президенті Ахмед аш-Шараа Башар Асадтың қарулы жақтастарын «кеш болмай тұрып» қаруларын тастауға шақырды. Ол өзінің бейнеүндеуінде қарулы шабуылдарды ұйымдастырушылардың барлығы жауапқа тартылатынын айтып, бейбіт тұрғындарды өлтіргендерді жазалауға уәде берді.
Алавиттер (алауит немесе нусайри деп те аталады - ред.) исмаилизм мен христиандықтың ықпалында жетілген шииттік топ. Солтүстік Ливан, Сирия мен Оңтүстік Түркияға тараған.
Алавиттер – Башар Асад пен оның отбасы мүшелері болған қауым. Сол жерден елдің бұрынғы үкіметі қауіпсіздік қызметіне белсенді түрде адамдарды жинады. Елдің жаңа билігі бұл жағдайды, соның ішінде жаппай жұмыстан босату арқылы қайта құрылымдауға тырысуда, деп жазады Reuters агенттігі.