Әлеуметтік сауалнама қорытындысы жарияланды
Қазақстандықтардың жартысынан көбі сайлауға қатысып жатқан партиялар халық мүддесін қорғамайды деп есептейді, деп хабарлайды Qaz365.kz тілшісі Masa Media-ға сілтеме жасап.
DEМOSCOPЕ қоғам пікіріне экспресс-мониторинг бюросы мен PaperLab зерттеу орталығы қазақстандықтардың «электораттық таңдауы» тақырыбында әлеуметтік сауалнама жүргізді.
Зерттеу қорытындысы бойынша, респонденттердің 59,6% Мәжіліс және мәслихат сайлауына баратынын, 27,7% дауыс бермейтінін айтқан. 12,7% сауалға жауап бере алмаған.
Сауалнамаға қатысқандардың 61,2% кімге дауыс беретінін әлі шешпеген. 20,8% Аманат партиясына дауыс беретінін айтқан. 12% өзге партияларға дауыс бермек. 4,2% балама партиялардың болғанын қалайды. 2,2% «барлығына қарсы».
Респонденттердің 49,9% оппозициялық партияларға сайлауға қатысуға мүмкіндік бермеді деп есептейді. 35,9% керсінше пікірде. 62,5% сайлауға қатысып жатқан партиялар өздерінің мүддесін қорғамайды деп есептейді. 64,1% өзін өзі ұсынғандар арасынан өздеріне ұнайтын кандидаттар жоқ деп айтқан.
Қазақстандықтардың 37,6% Мәжіліс және мәслихат сайлауының қорытындысына сенбейді. 12,6% Орталық сайлау комиссиясының ресми қорытындысына сенеді. 84,4% сайлаудың бұрмалаусыз, әділ өткенін қалайды.