Бүгін Қазақстан халқына арнаған жолдауында президент Қасым-Жомарт Тоқаев елде бір палаталы парламент құру туралы бастама көтерді, деп хабарлайды Qaz365.kz.
– «Маған осы мінберден парламенттік реформа туралы айту оңай емес. Соған қарамастан мен дәл бүгін елімізде көп ұзамай бір палаталы парламент құру туралы бастама көтергім келеді», – деді мемлекет басшысы.
Президенттің айтуынша, парламенттік реформа жайлы мәселе кемінде 20 жылдан бері ашық та, жабық та талқыланып келеді. Бұл тақырып әлі күнге дейін өзекті.
Тоқаев атап өтті, Сенат 1995 жылы саяси тұрақсыз кезеңде құрылып, тұрақтылықты қамтамасыз ету миссиясын абыроймен атқарды. Соңғы 30 жылда жоғары палата заң шығару және негізгі реформаларды жүзеге асырудың маңызды тетігі болды.
Қасым-Жомарт Тоқаевтың айтуынша, бүгінгі күні мемлекеттік жүйе дамып, азаматтардың саяси мәдениеті өсіп келеді. Сондықтан бір палаталы парламент құру мәселесін халық талқысына салу – уақыт талабы.