Үндістан билігі Қазақстан азаматтарына 30 күнге дейінгі мерзімге тегін виза беру жөнінде шешім қабылдады. Бұл ақпаратты Қазақстан Республикасының Сыртқы істер министрлігі таратты, деп хабарлайды Qaz365.kz.
Аталған шешім бірден күшіне енді және екі мемлекет арасындағы өзара байланысты күшейтуге, сондай-ақ туристік бағыттағы алмасуды кеңейтуге бағытталған. Жеңілдік туристік визалармен қатар, медициналық мақсаттағы және медициналық сүйемелдеу визаларына да қолданылады.
Сыртқы істер министрлігінің дерегінше, осыған дейін Үндістан азаматтары Қазақстан аумағына 14 күнге визасыз кіре алатын. Енді қазақстандықтарға Үндістанға бару бұрынғыдан да жеңілдей түсті.