Оған әуежайдағы төлқұжаттық бақылаудан өтетін жерде өтуге рұқсат жоқ екені айтылған
Ресей мемлекеттік думасының депутаты Константин Затулин Қазақстанға кіргізілмеді, деп хабарлайды Qaz365.kz.
"Sputnik Ближнее зарубежье" арнасының мәліметінше, Ресей мемлекеттік думасының ТМД және шетелдегі ресейлік азаматтармен байланыс жөніндегі комитеті төрағасының бірінші орынбасары Константин Затулинге әуежайдағы төлқұжаттық бақылаудан өтетін жерде өтуге рұқсат жоқ екені айтылған.
Еске сала кетейік, Затулин Қазақстанға бірнеше рет шүйліккен. Соңғы рет 2022 жылдың қыркүйегінде былай деген еді:
«Қазақстанның көптеген саясаткерлері мен қоғам қайраткерлері орыс халқының саны басым аумақтан айырылып қалу қаупі мен Украинада тарихи жерлерді қайтарып жатқан Ресейдің жаңа саясатынан төнетін қатер жайлы ой толғағанды ұнатады. Ешкім Қазақстанның қандай да бір аумағына көз сүзбесе де, енді олардың маңызды аргументі бар. Бәлкім, оларға өздерінің «қорғаны» бар, бұрын дәті жетпеген нәрсеге енді бара аламыз деп көрінген шығар», − деген болатын.