Ал ол Қазақстанда ма деген сұраққа Шындалиев «мен білмеймін» деп жауап берді
Бас прокурордың орынбасары Әсет Шындалиев экс-президент Нұрсұлтан Назарбаевтың қызы Әлия Назарбаеваның үстінен қылмыстық іс қозғалды ма деген сұраққа жауап берді, деп хабарлайды Qaz365.kz.
«Әлия Назарбаеваға қатысты қылмыстық қудалау немесе іс қозғау туралы бүгін де мәлімет жоқ. Өзіңіз білетіндей, РОП бойынша жақында қалалық сот алдыңғы үкімді өзгеріссіз қалдырды», - деді ол.
Шындалиевтің сөзінше, «егер қандай да бір мәлімет немесе дәлел белгілі болса, зерттеледі». Ал ол Қазақстанда ма деген сұраққа Шындалиев «мен білмеймін» деп жауап берді.
Еске сала кетейік, ӨКМ ісі бойынша сотталған бірнеше адам жобаның түпкі бенефециары Әлия Назарбаева болғанын айтып, өздеріне шыққан үкімге апелляциялық шағым білдірген. Алайда апелляция соты олардың үкімін күшінде қалдырды.