Петицияның өзі 10 наурызда басталған
Индустрия және құрылыс министрі Қанат Шарлапаев утилалымды тоқтату керек деген белсенділерді кінәлады, деп хабарлайды Qaz365.kz.
«Петицияны заң бойынша талқылауымыз қажет. Талқылауға мүмкіндік беріп жатырмыз. Өкінішке қарай, осы кісілер бізді диалогқа кіргізбей жатыр. Неге кіргізбейді: шоу үшін бе, диалог үшін бе? Отырыс видеоға түсіріліп, ешбір өңдеусіз осы кісілерге береміз», – деп Қанат Шарлапаев.
Айта кетейік, бұған дейін ҚР Өнеркәсіп және құрылыс министрлігі ҚР ӘРПК-нің 90-5-бабының 2-тармағына сәйкес утиль алымы бойынша петицияны қарайтын жұмыс тобының құрамын бекіткен болатын.
Петицияның өзі 10 наурызда басталған. Оның авторы – қоғам қайраткері, «Утилалымға жол жоқ!» қозғалысының жетекшілерінің бірі –Санжар Боқаев.