Атышулы қазақстандық әнші Төреғали Төреәлі сахнадан кететінін айтты, деп хабарлайды Qaz365.kz.
Қара фонда жазылған қысқа ғана мәтін көпшілікті алаңдатты:
«…Болды.
Мен бәрін тоқтаттым.
Сахна. Камера. Ән. Жарық.
Келесі қадам — үнсіз.»
Еске салсақ, бұған дейін Төреғали Төреәлі денсаулығына байланысты бірнеше концертін кейінге қалдырған болатын. Алматы, Астана, Шымкент және Тараз қалаларында өтеді деп жоспарланған жеке кештері белгісіз мерзімге шегерілген еді.
Төреғали Төреәлі — қазіргі қазақ эстрадасындағы ең танымал және ықпалды әншілердің бірі. Ол өзінің ерекше дауыс тембрімен, ұлттық нақыштағы әндерімен және сахнадағы харизмасымен көпшіліктің жүрегін жаулап алған.
Төреғали алғашында айтыс сахнасында көзге түсіп, кейін эстрадаға бет бұрды. Ол ұлттық әндерді қазіргі заманға сай өңдеп орындауымен ерекшеленеді. Оның орындауындағы «Найзағай болып», «Бол жанымда», «Сағындым», т.б. әндер хитке айналды.
Соло концерттер беріп, "Төреғали Төреәлі Live Show", "Ұлы дала баласы", "Қымызханамен", "Әке арманы" сияқты жобаларда да халықпен тікелей байланыс орнатты.