Ол әйел адамның мешіті үйінде екенін еске салды.
Желіде Ақтөбе қаласындағы «Нұр Ғасыр» мешітінде болған жағдайға қатысты Эммануэлла Наурызбаева есімді бойжеткеннің жариялаған видеосы қоғам назарын аударды, деп хабарлайды Qaz365.kz.
Бойжеткеннің айтуынша, мешіт ауласында жүрген белгісіз сақалды ер адам оған «бір реттік неке» ұсынып, жыныстық қатынасқа түсуге шақырған. Бұл жайтты Эммануэлла видеоға түсіріп үлгеріп, әлеуметтік желіде жариялады. Оқиға әлеуметтік желі қолданушылары арасында кең талқылауға себеп болды.
Алайда, арада көп уақыт өтпей-ақ, бұрынғы эстрада әншісі Рүстем Жүгінісов жауап ретінде видеоүндеу жасап, бойжеткеннің өзін сынға алды.
Әйелдің мешіті – оның үйі. Ер азаматтар үшін мешітте намаз оқу дұрыс болса, әйелдер үшін үйде оқығаны абзал. Өздеріңізден де кінә бар. Біреулер өзіне бай іздеп жүр деп ойлауы мүмкін. Сондықтан намызыңызды үйде оқыңыздар, – деді Рүстем Жүгінісов.
Бұл пікірлер де қоғам ішінде екіұдай реакция тудырып, әлеуметтік желілерде қызу пікірталасқа себеп болды.