Ол өзіне көп хейт жазылатынын айтты
40 жасында күйеуіммен сүйіскен видеосын Instagram-ға салған коуч Роза Әшірбаевадан оқырмандарының көңілі қалған. Тіпті, 2000 мың «отписка» жасап, жазылушылар қатарынан шығып кеткен, деп хабарлайды Qaz365.kz.
Ол бұл туралы журналист Әлия Әшімге берген сұхбатында айтты.
«Сол рилстан кейін 2000 адам шығып кетті. Хейт болатынын білдім, бірақ 2 мың адам шығып кетеді деп ойламадым. 40 жастағы сүйіспейтін шығар, сүйіссе де оны Instagram-ға салмайтын шығар. Бұл видеоны 17 жастағы ұлым түсірді. Маған сен айтқан соң (журналист Әлия Әшімге қарата – ред) айтқан соң салдым. Идея ұнады», - дейді Роза Әшірбаева.
Ол өзіне көп хейт жазылатынын, отбасыларды бұзуға үлес қосып жүрсің дегендей пікірлер көп екенін де жеткізді.
«Менің рилстарымнан кейін ажырасып кеткен отбасыны анықтау мүмкін емес. Өйткені рилстан ешкім ажыраспайды», - дейді коуч.