Кейін журналистер дүкенге арнайы барып, жағдайға көз жеткізген
Өскемен қаласындағы “InMart” дүкеніндегі тауарлардың қазақ тіліндегі аудармалары елдің наразылығын тудырды, деп хабарлайды Qaz365.kz.
Атап айтқанда, сөрелерде тұрған тауарлардың мемлекеттік тілдегі жарнамасы сауатсыз жазылған. Алғашында бұны қала тұрғындары байқап, әлеуметтік желіге жариялады. Кейін журналистер дүкенге арнайы барып, жағдайға көз жеткізген.
Суреттерден “ботқа фрутоняня, сүт с бананом және яблоком бірі сұлы, ұн...» деген секілді шалағай аудармалар байқалады.
Тағы бір жарнамада “Ботқа молоч. Мен өскенде сұлы бидай асқабақ 6 ай...» деп жазылған.
Бұған наразылар дүкен иелеріне жаза қолдануды сұрауда. Сондай-ақ олар мемлекеттік тілге қатысты Заңда осындай келеңсіздіктерді жоюға негізделген баптар жоғын айтып, өзгеріс енгізу қажет екенін жеткізуде.