Мәжілісте осыған қатысты құжатқа түзетулер енгізіліп жатыр
Енді МӘМС-ке жарна төлемегендер де онкологиялық скринингтен өте алатын болады, деп хабарлайды Qaz365.kz.
Бұл туралы мәжіліс депутаты Асхат Аймағамбетов мәлімдеді.
“Бүгінде елімізде 3,5 миллион азамат онкологияны ерте анықтайтын скринингтен өте алмай отыр, себебі олар МӘМС-ке жарна төлемейді. Осы азаматтарға тексерістен өтуге мүмкіндік беруіміз керек. Иә, бұл қосымша қаржы талап етеді, бірақ бұл көптеген адамның өмірін құтқарады. Адамгершілік тұрғысынан бұл — дұрыс шешім. Ал экономикалық тұрғыдан бұл — прагматикалық қадам.Себебі қатерлі ісікті ерте кезеңде анықтау мемлекетке кеш анықталған жағдайларды емдеуге жұмсалатын шығындарды азайтуға мүмкіндік береді”, – деді депутат Асхат Аймағамбетов.
Мәжілісте осыған қатысты құжатқа түзету енгізіліп жатыр. Заң келесі жылы қабылданады.