Күдікті уақытша ұстау изоляторына қамалды.
Павлодар облысында жайсыз жағдай орын алды. Өңір тұрғыны бірге тұратын әйел жұмысқа кеткен уақытта оның қызын ұрып-соққан. Салдарынан бала ауыр жарақаттар алды, деп хабарлайды Qaz365.kz.
Оқиға болған кезде анасы жұмыста болған. Ол мертіккен баланы ауруханаға өзі әкелген. Бастапқыда қызым кереуеттен құлады деген. Дәрігер Сергей Самец баланы қарап, оны рентгенге жіберіпті. Сол кезде екі бұғанасы сынғаны анықталған. Одан бөлек, маңдайы көгеріп, ісіп кеткен. Бірақ келесі күні тағы келіп, ұрғанын мойындаған. Полиция қылмыстық іс қозғап, күдікті уақытша ұстау изоляторына қамалды.
Анасынан не болғанын сұрағанымда, басқа балалармен ойнаған кезде беті көгергенін айтты. Екі жастағы бала үшін бұл – қалыпты жағдай. Себебі олар осы жаста жүріп, аяғын нық баса алмай құлап қалуы мүмкін.Баланың өзі әлі сөйлей қоймағандықтан, нақты не болғанын да айта алмайды, - дейді дәрігер Сергей Самец.
Ауруханада балаға гипс салып, амбулаторлық ем қабылдау үшін үйіне жібереді. Ал екінші күні анасы мен қызы қайтадан дәрігерлерден көмек сұрай келді. Бұл жолы ұрып-соғудан кейінгі жарақаттарды белгілеу үшін көмекке жүгінді.
Бұл жолы баланы басқа дәрігер қарады. Анасы оған баланы өгей әкесі ұрғанын айтқан екен. Жеке тәжірибеме сүйенсем, мұндай жарақатты екі жақтан қатты соққы алғанда не болмаса баланы лақтырып, содан құлағау салдарынан алуы мүмкін. Одан соң денсаулық толық қалпына келгенше кемінде үш апта керек, - дейді дәрігер.
Енді ер адам екі жылға дейін бас бостандығынан айырылуы мүмкін.