Енді бұл аудандарда жұмыс күні әдеттегіден өзге уақытта басталады
Шығыс Қазақстан облысының Марқакөл және Үлкен Нарын аудандарында жұмыс уақыты ресми түрде өзгерді, деп хабарлайды Qaz365.kz.
Енді бұл аудандарда жұмыс күні таңғы 08:00-де басталып, кешкі 17:30-да аяқталады. Түскі үзіліс 12:00-ден 13:30-ға дейін аралығында болады.
Марқакөл ауданы әкімдігінің мәліметінше, жаңа кесте тұрғындармен кеңескеннен кейін енгізілді.
"Жұмыс уақыты таңғы 08:00-де басталды. Халықпен ақылдаса келе, осындай шешім қабылдадық. Бұл өзгерісті тұрғындар қолдады, себебі таңертең бәрі ерте оянады, ал кешкі уақытта отбасы мен тұрмыстық шаруаларға көбірек уақыт қалады", – деді әкімдік өкілдері.
Айта кетейік, бұған дейін Қатон-Қарағай ауданында мемлекеттік мекемелер мен әлеуметтік ұйымдардың жұмыс кестесі өзшерді. Аудан әкімдігі тұрғындардың ұсынысын қолдап, өзгерісті пилоттық режимде енгізді.