Бұл туралы балалар омбудсмені Динара Закиева айтты
Түркістан облысында туыстарынан жүкті болған 13-15 жастағы қыздар бүкіл бала осылай өмір сүреді деп ойлаған. Бұл туралы балалар омбудсмені Динара Закиева айтты, деп хабарлайды Qaz365.kz.
«Түркістан облысында 13-15 жасында зорлық-зомбылықтың құрбаны болған 16 кәмелетке толмаған қыз тұратын орталыққа бардым. Олар өздерінің ағалары, нағашылары және басқа да туыстары тарапынан жыныстық зорлық-зомбылықтың нәтижесінде ана атанған. Қыздардың көпшілігі болған жағдайды баяндағанда, өздеріне жасалған әрекеттердің қылмыс екенін білмегендерін мойындады. Олар барлық балалар дәл осындай отбасында осылай өмір сүреді деп ойлаған», – деді Закиева сәрсенбі күні Сенат комитетінің отырысында.
Омбудсменнің айтуынша, мұндай жағдайлар көптеген күрделі мәселелерді көтереді. Кәмелетке толмағандарға қатысты зорлық-зомбылықтың алдын алу, оған жол бермеу және онымен күресу үшін жүйелі шаралар қажет.