Оған дәрігерлер де көмектесе алмайтын көрінеді
Қазақстанның тұңғыш президентінің отбасына жақын дереккөздің хабарлауынша, Сара Алпысқызының жағдайы ауыр, деп хабарлайды qaz365.kz.
Ulysmedia.kz порталының дереккөзіне сүйенсек, тұңғыш президенттің бірінші жарына дәрігерлердің өзі көмек көрсетуге дәрменсіз күйде қалып отыр.
Сонымен қатар өмірінің соңына қарай ол Назарбаева тегінен бас тартып, қыз кезіндегі Қонақаева тегін қайта алған.
Сара Қонақаева 1941 жылдың ақпанында Қарағанды облысында дүниеге келген. 1962 жылы Назарбаевпен шаңырақ көтерген. Кейінірек ол «Бөбек» халықаралық балалар қайырымдылық қорын, «SOS – Қазақстанның балалар ауылдары» қорын құрып, білім беру жүйесіне өзгерістер енгізе бастаған. Оның бастамасымен мектептерде өзін-өзі тану пәні енгізілген болатын. Алайда бұл пән кейіннен оқу бағдарламасынан алынып тасталды.