Жас ақынның осыған дейін үш кітабы жарық көрген.
Соңғы күндері әлеуметтік желі қолданушылары бір кездері «Бала Жамбыл» атанып, елді таңдай қақтырған жас ақын Жамбыл Дүйсеновті қайтадан іздей бастады, деп хабарлайды Qaz365.kz.
Зеректігімен, тапқырлығымен көзге түскен Жамбыл Дүйсенұлы түрлі байқауларда топ жарып, мектепті қатарластарынан үш жыл бұрын бітіргені туралы деректер бар. Оның дарыны мен талабын кезінде ел ерекше бағалаған болатын.
TikTok желісінде бұрынғы бейнежазбалары қайта тарап, қолданушылар оны еске алып, қайда жүргеніне қызығушылық танытуда. Белгілі ақын Мұхтар Шахановтың батасын алған Жамбыл бүгінде есейіп, АҚШ-та білім алып жүр екен.
Желіде оның Америкадан ата-анасына жолдаған видеосы кең тарап кетті. Бейнежазбада ол:
Қазір біз Нью-Йорк қаласының қақ ортасындамыз. Таймс-скверде адамдар өте көп, бәрі осы жерде шоғырланған. Өте әдемі, әсерлі жер, – дейді.
Айта кетейік, жас ақынның осыған дейін үш кітабы жарық көрген.