Бұл туралы Үкімет отырысында айтылды.
Қазақстанның ірі қалаларында туристердің жайлылығы мен қауіпсіздігін арттыру мақсатында әуежайлар мен қала орталығы арасында түнгі экспресс-маршруттарды іске қосу жоспарлануда, деп хабарлайды Qaz365.kz.
Туризм және спорт министрі Ербол Мырзабосыновтың айтуынша, заңсыз такси қызметтері – кең таралған мәселе.
Халықаралық әуежайларда QR-код жүйесі енгізілді. Онда сенімді такси, қонақүйлер, электронды сим-карталар мен туристік нысандар туралы ақпарат көрсетіледі. Әкімдіктер бұл жұмысты тұрақты түрде қадағалап, түсіндіру жұмыстарын жүргізіп отыруы керек. Қажет болса, заң бұзушыларға қатысты жауапкершілікті күшейту мүмкіндігі де қарастырылуы қажет, – деді министр.
Сондай-ақ ірі халықаралық қалалардағы секілді түнгі уақытта әуежайдан қала орталығына автобус қатынасы жоқ. Осы орайда бұл мәселені шешу үшін түнгі экспресс-маршруттар іске қосу ұсынылады.