Қазіргі таңда тегін мемлекеттік үйірмелермен 250 мыңнан астам баланы қамтылған
Қазақстанда балалар енді бір уақытта екі үйірмеге тегін қатыса алмайды, деп хабарлайды Qaz365.kz.
Бұл туралы Орталық коммуникациялар қызметіндегі брифингте Туризм және спорт вице-министрі Серік Жарасбаев мәлімдеді.
Ваучер алған балалар бұрынғы ережелер бойынша қызмет алуды жалғастырады – олар бір спорттық және бір шығармашылық үйірмеге қатыса алады.
«Алайда пилоттық жоба аясында бұл мүмкіндік жойылады. Ата-аналар мен балалар тек бір үйірмені ғана таңдай алады – яғни, не спорттық секцияны, не шығармашылық үйірмені. Бұл не үшін жасалып жатыр? Біз балалардың қамтылуын арттыруды көздеп отырмыз», – деді Жарасбаев.
Қазіргі таңда мемлекеттік спорттық тапсырыс аясында ведомство 250 мыңнан астам баланы қамтыған.