Тележүргізуші қоныс тойын өткізген.
Белгілі дінтанушы әрі теолог Нұрлан Байжігітұлы журналист Динара Сәтжанның жұбайына шапан жапты, деп хабарлайды Qaz365.kz.
Айта кетейік, кәсіпкер Жұмабек Жанқұлов әлеуметтік желіде:
Жұрт имамдарға шапан жапса, менің имамым маған шапан жапты, – деп жазды.
Ал Динара Сәтжан жаңа қоныстарында өткен тойға Нұрлан имамды арнайы шақырып, оның Құран оқып бергенін айтты:
Алғашқы қоныс тойымызды өткіздік. Ата-анамыздың ақ батасын алдық. Нұрлан имам келіп, құран бағыштады, – деді ол.
Дегенмен бұл жайт әлеуметтік желі қолданушылары арасында түрлі пікір тудырды. Кейбірі имамның әрекетін құптамай:
«Нұрлан имам кімге шапан жабуды жақсы біледі»,
«Жеке имам болып кеткен бе?»,
«Неге шапан жапты?»
«Ылғи байлардың ортасында жүреді», – деп сын айтты.