Елімнің өркендеуін, халқымның амандығын тілеймін
Алматы облысында жүзден асқан кейуаналар саяси науқанда өз таңдауын жасап дауыс берді, деп хабарлайды qaz365.kz тілшісі ҚазАқпарат-қа сілтеме жасап.
Олар — 111 жастағы Нұржамал Мергенбаева мен 103 жастағы Мұқсына Қалдыбаева.
Нұржамал Абдықалымқызы 1911 жылы 2 сәуірде дүниеге келген. Екінші дүниежүзілік соғыс кезінде әже тылда еңбек еткен. 15 немере, 12 шөбере, 5 немене сүйіп отырған кейуана әр қазақстандық саяси науқанда өз таңдауын жасау керек дейді.
“Балаларымның болашағы үшін дауысымды беріп отырмын. Елімнің өркендеуін, халқымның амандығын тілеймін”, – деді 111 жастағы кейуана Нұржамал Мергенбаева.