Балаларға барлық медициналық көмек көрсетіліп, тексеруден өтті
Алматы облысында 10 оқушы астан уланып ауруханаға түсті, деп хабарлайды Qaz365.kz.
«19 мамыр күні сағат 16:00-де Еңбекшіқазақ ауданаралық көпсалалы ауруханасына 10 оқушы астан уланып түсті. Олар – Байтерек ауылындағы мектептің 5-ші сынып оқушылары. Балаларға барлық медициналық көмек көрсетіліп, тексеруден өтті. Жеті баланың жағдайы тұрақты, олар амбулаториялық ем қабылдауға жіберілді. Ал қалған үш оқушы инфекциялық бөлімшеге жатқызылды. Жағдайлары орташа ауыр, тұрақты», - деді Алматы облыстық Денсаулық сақтау басқармасы баспасөз қызметінің өкілі Ләйлім Әубәкірова.