Семей орманындағы өрттен қаза болғандарды аза тұту күні
12 маусым Семей орманындағы алапат өрттен қаза болғандарды аза тұту күні, деп хабарлайды Qaz365.kz.
11 маусым күні түстен кейін Президент Қасым-Жомарт Тоқаев 12 маусымды Қазақстанда Жалпыұлттық аза тұту күні деп жариялады.
"Дүйсенбіні Жалпыұлттық аза тұту күні деп жариялаймын. Біз сіздермен бірге аза тұтамыз, қаза болғандардың есімдерін еске аламыз. Мықты болып, сабырлық сақтауларыңызды сұраймын. Құқық қорғау органдары болсын, барлық бағыттар бойынша тиісті шаралар қабылданады. Енді мен кеңес өткіземін, біз бұл тәжірибеден міндетті түрде сабақ алатын боламыз», - деді президент.
Бірнеше сағаттан кейін Президент тиісті Жарлыққа қол қойды, ол Ақорданың ресми сайтында жарияланды.
"Абай ауданындағы орман өрті салдарынан адамдардың қаза болуына байланысты 2023 жылғы 12 маусымда Қазақстан Республикасында Ұлттық аза тұту күні болып жарияланады», - делінген құжатта.