Басты бет Қоғам Қазақстанда қоғамдық орындарда қайтадан маска тағу режимі енгізілді

Қазақстанда қоғамдық орындарда қайтадан маска тағу режимі енгізілді

Qaz365.kz редакциясы

Денсаулық сақтау ұйымдарында бетперде кию режимі енгізіледі

Фото: ашық дереккөзден

Қазақстандықтарға коронавирус инфекциясы мен қызылшаның алдын алу мақсатында тағы да маска тағу ұсынылады. Бас мемлекеттік санитарлық дәрігер Айжан Есмағамбетова ауа-тамшы жолымен берілетін жұқпалы аурулардың алдын алу шараларын күшейту туралы тиісті Қаулыға қол қойды, деп хабарлайды Qaz365.kz.

Құжатқа сәйкес, денсаулық сақтау ұйымдарында бетперде кию режимі енгізіледі.

Қаулы бойынша, Санитариялық-эпидемиологиялық бақылау комитетінің облыстардың, Алматы, Астана, Шымкент қалаларының денсаулық сақтау басқармаларының, аумақтық департаменттерінің басшылары:

  • медициналық ұйымдарда персоналдың және келушілердің медициналық маскаларды пайдалануын, антисептиктердің болуын;
  • халық арасында COVID-19 коронавирус инфекциясының, тұмаудың және ЖРВИ профилактика шаралары туралы ақпараттық-түсіндіру жұмысын жүргізуді қамтамасыз етсін.

Облыстардың, Алматы, Астана, Шымкент қалаларының жергілікті атқарушы органдарына, Орталық мемлекеттік органдарға, меншік нысанына қарамастан жеке және заңды тұлғаларға:

  • халықтың көп жиналатын жерлерінде (әуежайлар, теміржол вокзалдары, автовокзалдар, базарлар, сауда-ойын-сауық орталықтары, сауда үйлері, театрлар, кинотеатрлар, ХҚКО-ы, банктер және т.б.), көліктің барлық түрлерінде (қоғамдық көлік, әуе, темір жол көлігі) медициналық немесе матадан тігілген маскаларды пайдалануға ұсыным берілсін.

Қаулы бүгін күшіне енді.

Вам будет интересно
Заманбек Нұрқаділов пен бірінші әйелінің де дәм-тұзы қараша айында таусылды
Шығыс Қазақстанда оқушылар онлайн оқуға көшті
Арабша жазуы бар ерекше дизайндағы 1000 теңгелік монеталар айналымға шықты
«ҚТЖ»-ға жұмысқа орналастыру үшін 1,5 млн теңге пара алған
Қазақстандағы уақыт белдеуіне қатысты сауалнама өтіп жатыр
Анасын ұрып тастаған Ақтау тұрғыны қамауға алынды