Басты бет Қоғам Көпбалалы отбасыларға берілетін жәрдемақы мөлшері белгілі болды

Көпбалалы отбасыларға берілетін жәрдемақы мөлшері белгілі болды

Qaz365.kz редакциясы

Төлем мөлшері бала санына қарай есептеліп төленеді

Фото: ашық дереккөзден

Биыл көпбалалы отбасылар 236 млрд теңгеден астам сомаға жәрдемақы алды, деп хабарлайды Qaz365.kz.

2024 жылдың басынан бастап, көпбалалы отбасыларға берілетін мемлекеттік жәрдемақымен орта есеппен 594,8 мың отбасы жалпы сомасы 236,2 млрд теңге мөлшерінде қамтылды, оның ішінде маусым айында 594,8 мың отбасыға 40 млрд теңге мөлшерінде жәрдемақы төленді.

Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Төлем мөлшері бала санына қарай есептеліп төленеді және 2024 жылы:

  • - 4 баласы бар отбасыларға – 16,03 АЕК немесе 59 183 теңге;
  • - 5 балаға – 20,04 АЕК немесе 73 988 теңге;
  • - 6 балаға – 24,05 АЕК немесе 88 793 теңге;
  • - 7 балаға – 28,06 АЕК немесе 103 598 теңге;
  • - 8 және одан да көп баласы бар отбасыларға – әр балаға 4 АЕК немесе 14 768 теңге мөлшерінде төленеді.

2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқанын атап өтеміз.

Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.

Вам будет интересно
Отандық дрондар мен роботтар: Farabi Hub қандай инновациялық жобаларды жүзеге асырады
Мүфтият Gorilla секілді энергетикалық сусындарға қатысты пәтуа шығарды
Астанадағы қала көшелерінің бірінде автобус өртеніп кетті
Қазақстандықтардың әлемдік деңгейдегі туындыларды ана тілінде көру құқығы ескерілмей отыр – Айгүл Қапбарова
2025 жылы жеке кәсіпкерлер декларацияны қалай тапсырады
Ақтауда қызды аяусыз ұрып-соққан күдікті ұсталды