Адам папиллома вирусы қатерлі ісіктің пайда болуына себепкер болуы мүмкін
Сарыағаш аудандық орталық ауруханасының қызметкерлері тұрғындармен кездесті, деп хабарлайды Qaz365.kz.
Жиында аурухананың бас дәрігерінің орынбасары Гүлмира Абдраманова, иммунолог дәрігер Умарова Меруерт, гинеколог-дәрігер Оразымбетова Гүлнұр жатыр мойны обырын алдын алу мақсатында жүргізілетін вакцинациялау жұмыстары турасында кеңінен түсіндірді.
Адам папиллома вирусы (АПВ) бүкіл әлемде ең көп таралған жыныстық жолмен берілетін инфекциялардың бірі. 200-ден астам АПВ генотиптері бар, оның ішіңде кем дегенде 40-аногенитальді аймақты жұқтыруға қабілетті.
Адам папиллома вирусы қатерлі ісіктің пайда болуына себепкер болуы мүмкін. Жатыр мойны обыры Қазақстандағы 25 пен 44 жас аралығындағы әйелдер арасында жиі кездесетін қатерлі ісік ауруларының ішінде 2-орында.
Қазақстанда жыл сайын жатыр мойны обырының 1900-ден астам жаңа жағдай анықталады. Жыл сайын 600-ге жуық әйел жатыр мойны обырынан қайтыс болады. Күніне 2 әйел қайтыс болады.