АПВ вакцинасын алмаса, жасөспірімдер денсаулығы ауыр зардапқа ұшырауы мүмкін
Зерттеулер көрсеткендей, адам папиллома вирусына (АПВ) қарсы екпе жатыр мойны обырының 90%-на дейін алдын алады, әсіресе екпе жыныстық қатынас басталғанға дейін жасалса солай болады, деп хабарлайды Qaz365.kz.
Қазақстанда 2024 жылдың қыркүйегінен бастап 11-12 жас аралығындағы қыздарды ата-анасының келісімімен вакцинациялау науқаны басталады, бұл оларды ықтимал инфекциядан қорғауға мүмкіндік береді.
АПВ вакцинасын алмаса, жасөспірімдер денсаулығы ауыр зардапқа ұшырауы мүмкін.
«Вакцинацияның болмауының негізгі қаупі - жатыр мойны обырының даму ықтималдығының айтарлықтай жоғарылауы. Вакцинациясыз жасөспірім қыздарда вирустың жоғары онкогенді штамдарын жұқтыру қаупі жоғары, бұл болашақта қатерлі ісіктің дамуына әкелуі мүмкін. Жатыр мойны обырынан басқа, АПВ қынаптың, вульваның, анальды арнаның және ауыз жұтқыншақ қатерлі ісігін де тудыруы мүмкін. Вакцинацияланбаған жасөспірімдер аталған ауруларға тап болу қаупі анағұрлым жоғары», – деп атап өтті Алматы онкологиялық орталығының онкологы Диана Жақсылықова.
АПВ инфекциясы созылмалы ауруларға және тұрақты бақылау мен емдеуді қажет ететін жатыр мойны дисплазиясы сияқты басқа асқынуларға әкелуі мүмкін. АПВ-мен байланысты аурулар физикалық азапты ғана емес, сонымен қатар қорқыныш, үрей және өмір сапасының төмендеуі сияқты психологиялық мәселелерді тудырады. Бұл өз кезегінде әлеуметтік қатынас пен эмоционалды жағдайға теріс әсер етуі мүмкін.
Тек Алматыда жыл басынан бері скринингтік тексеру барысында жатыр мойны обырының 29 жағдайы және қатерлі ісікке дейінгі жағдайдың 556 жағдайы анықталды.
АПВ вакцинациясы миллиондаған қыздың өмірі мен денсаулығын сақтай алатын маңызды алдын алу шарасы болып табылады.
«АПВ екпесі қауіпсіз және жақсы төзімді. Ықтимал жанама әсерлер әдетте жеңіл және қысқа мерзімді болады. Вакцина репродуктивті функцияға ешқандай әсер етпейтінін атап өту маңызды, бұл жалпы миф. Ата-ана мен жасөспірімдер бұл екпенің денсаулықты қорғау және ықтимал асқынудың алдын алу үшін маңыздылығын түсінуі керек», – деп қорытындылады Диана Жақсылықова.